Uganda igiye gutangira gukoresha umuti urinda SIDA uherutse kwemezwa
Inzego z’Ubuzima muri Uganda zatangaje ko mu minsi iri imbere zizatangira gukoresha umuti wa Lenacapavir,mu kwirinda ubwandu bw’Agakoko gatera SIDA.
Muri uku kwezi kwa Kamena 2025 nibwo Ikigo gishinzwe ubuziranenge bw’imiti n’ibiribwa muri Amerika ,FDA
cyemeje ko uyu muti wa Lenacapavir.
Uyu muti wakozwe n’ikigo cyo muri Amerika kimenyerewe ku gukora inkingo,Gilead Sciences,Uterwa umuntu rimwe mu mezi atandatu,ni ukuvuga inshuro ebyiri mu mwaka.
Uwawutewe ashobora gukora imibonano idakingiye,bikamurinda kwandura agakoko gatera SIDA.Komisiyo ishinzwe kurwanya SIDA muri Uganda ,yatangaje ko uyu muti washyizwe ku rutonde rw’ishobora gukoreshwa muri iki gihugu,ko ariko hari bike bizabanza kugenzurwa.
Yakomeje itangaza ko mu minsi mike uyu muti uzatangira kuboneka muri Uganda.
Uganda yiteze ko uyu muti mushya uzayifasha kugera ku ntego yihaye yo kurangiza ubwandu bushya bwa tarenze mu 2030.
Wakorewe igerageza rya mbere n’irya kabiri mu 2024,ibisubizo bivuyemo bigaragaza ko nta ngaruka ugira ku buzima bw’abawutewe mu ngeri zitandukanye zabo kandi nta ngaruka z’ubuzima bibagiraho.
Umuyobozi Mukuru wa Gilead Sciences,Daniel O’Day,yatangaje ko uyu muti wagaragaje ubushobozi bwo kurinda umuntu ubwandu bwa SIDA ku rugero rwa 99%.
Uganda ni kimwe mu bihugu bya Afurika byugarijwe n’Agakoko gatera SIDA ,cyane ko kugera mu mpera za 2024,abagera kuri miliyoni 1.49 bari bayirwaye.
Mu bantu bafite hagati y’imyaka 15 na 49 ubwandu buri kuri 5.1% mu bagore bukaba kuri 6.6% mu gihe mu bagabo buri kuri 3.6%.
