RDC:Ibivugwa k’urupfu rwa Lt Col Willy Ngoma ko yaba yishwe na Drone ya Fardc
Lt. Col Willy Ngoma wari Umuvugizi w’ihuriro AFC/M23 biravugwa ko yarasiwe mu gitero cya Drone cy’ingabo za Congo, FARDC mu gace ka Rubaya.
Bamwe mu bari ku ruhande rwa leta ya Congo, baremeza ko Willy Ngoma yarashwe mu masaha y’igicuku ashyira saa cyenda z’ijoro (02:42 a.m) hafi y’umurima munini w’uwitwa Gahizi.
Kugeza ubu ntacyo AFC/M23 iravuga kuri aya makuru, cyakora Lawrence KANYUKA, umuvugizi wa politiki wayo yatangaje ko agace ka Rubaya kibasiwe n’ibitero bya drone kimwe n’agace ka Kalehe.
Yanditse kuri X ko mu masaha ya saa 2h43 a.m drone z’ingabo za Congo, zarashe zidatoranya i Rubaya mu bice bituwe, byica abasivile b’inzirakarengane.
Mu itangazo rya Lawrence Kanyuka avuga ko ibyakozwe na Fardc ari ibikoirwa bigize ibyaha by’intambara n’ibyibasiye inyokomuntu.
Umunyamakuru Steven Wembi yatangaje ko drone ya Fardc yarashe imodoka ya gisirikare ya AFC/M23 mu gace ka Rubaya ,naho Peru Luwara atangaza ko afc/m23 yatangiye ikiriyo cya Lt Col Willy Ngoma warashwe na drone za Fardc.
