Masisi:umutwe wa m23 wigaruriye imidugudu ibiri mishya nyuma yo kwirukana Wazalendo
Umutwe wa m23 wigaruriye uduce tubiri muri teritwari ya Masisi aritwo Ndurumo na Kinyaonga.
Imirwano ikaze yashyamiranyije umutwe wa m23 n’abarwanyi ba Wazalendo guhera ku Cyumweru cyashize tariki ya 14 Nzeri 2025 nibwo abarwanyi ba Wazalendo bagabweho ibitero n’abarwanyi bo mu mutwe wa m23 mu midugudu ya Ndurumo na Kinyaonga iherereye muri gurupoma ya Bashali Mokoto na gurupoma ya Bapfuna segiteri ya Osso Banyungu .
Iyi midugudu yigaruriye n’abarwanyi b’umutwe wa m23 kuri uyu wa mbere tariki ya 15 Nzeri 2025 nyuma Yuko umutwe wa Wazalendo wokejwe igitutu na m23 maze Wazalendo igata ibirindiro byayo igahunga.
Umutwe wa m23 wigaruriye bino bice bishya mu gihe I Kinshasa mu nteko ishinga amategeko umutwe w’Abadepite harimo imvururu zo kweguza biro y’inteko iyobowe na Vital Kamerhe kugeraho kuri uyu wa mbere itsinda rishaka ko iyi biro yegura cyangwa ikeguzwa ryashyamiranye nabashyigikiye Vital Kamerhe mu gihe bajyanaga inyandiko ikubiyemo imikono yabadashaka ko Vital Kamerhe akomeza kubayobora.
Vital Kamerhe na biro ye bashinjwa kuba badashoboboye no gukoresha nabi umutungo w’inteko Kandi no kuba Vital Kamerhe Ari ikitso cya m23 bashingiye ku magambo yagiye atangaza Yuko leta yaganira nuyu mutwe .
Abashaka ko yeguzwa bavuga ko amakosa yakoze yayasabiye imbabazi ariko bitabuza ko yeguzwa Kandi agakurikiranwa no mu nkiko.
Amakuru aturuka I Kinshasa anavuga ko guverinoma yashyizeho itsinda rijyana Ibirego mu rukiko mpuzamahanga mpanabyaha (ICC) birega Uwahoze Ari perezida wiki gihugu Kabila Joseph Kabange aho bamurega ibyaha birimo ibyaha by’intambara,ibyaha byibasiye inyoko muntu n’ibyaha by’ubufatacyaha mugutera RDC bikozwe n’u Rwanda,ibi birego bigiye gutangwa mu gihe inkiko za RDC zari zimaze iminsi zimukurikiranyeho ibyaha birindwi.
Umutwe wa m23 Umaze igihe kingana n’imyaka itatu irenga uhanganye n’ubutegetsi bwa Tshisekedi kugeraho ubu igenzura igice kinini cy’uburasirazuba bwiki gihugu ndetse bakaba baranatangiye ibiganiro byo kumvikana ariko bikaba ntacyo bigeraho.
