Itsinda rigizwe n’urubyiruko rw’Abanyarwanda cumi na babiri baba muri Afurika y’Epfo basuye icyicaro gikuru cy’Ingabo z’u Rwanda (RDF)
Oct 9, 2025
Itsinda rigizwe n’urubyiruko rw’Abanyarwanda cumi na babiri baba muri Afurika y’Epfo, riri mu ruzinduko rw’iminsi icumi mu Rwanda, kuri uyu wa gatatu basuye icyicaro gikuru cy’Ingabo z’u Rwanda (RDF).
Bakiriwe n’Umuvugizi w’Ingabo z’u Rwanda Brig Gen Ronald Rwivanga, wari uhagarariye Umugaba Mukuru w’Ingabo.
Akaba yabagejejeho ikiganiro ku rugendo rw’ivugururwa no kwiyubaka kwa RDF kuva Jenoside yakorewe Abatutsi irangiye mu 1994. Banamenyeshejwe intambwe u Rwanda rumaze gutera mu bumwe n’ubwiyunge, iterambere, ndetse n’uruhare rukomeye rw’urubyiruko mu kubungabunga no guteza imbere ibyo byagezweho.
