Goma :Abanyamulenge bibutse ku nshuro ya 21 bagenzi babo biciwe mu Burundi bazira ko ari Abatutsi
Kwibuka Jenoside yakorewe Abanyamulenge mu Gatumba mu gihugu cy’u Burundi ,Abanyamulenge baba hirya no hino ku Isi bibutse bagenzi babo bazize ubwicanyi bwabaye mu ijoro rya tariki ya 13 rishyira tariki ya 14 z’ukwezi kwa munani umwaka wa 2004,Abanyamulenge batuye mu mujyi wa Goma bibutse ku nshuro ya 21 ubwo bwicanyi mu gikorwa cyateguwe na Gatumba Refugees Survivor Foundation ku bufatanye na Mahoro Peace Association.
Umurongo ngenderwaho wari Guhe icyubahiro inzirakarengane ,dushaka ubutabera ,turwanya abahakana Jenoside ikorerwa abatutsi muri RDC.
Abatanze ubuhamya bagaragaje uburyo abishwe babanje kuvangurwa hashingiwe ku buryo basa bagashyirwa mu nkambi yihariye .Abaje kubica bakaza biyoberanyije nkabanyamasengesho kuko byari bisanzwe ko guhera saa moya kugera saa tatu z’ijoro babaga bari gusenga ko abo bicanyi nabo baje baririmba banasirimba bakabona kubica bakoresheje amasasu,imipanga ndetse no gutwikisha essance.
Me Moise Nyarugabo yibaza impamvu abanyamulenge bitwa abanyarwanda Kandi harabandi basa nabo batitwa abanyarwanda.
Me Moise Nyarugabo avuga ko bibuka kugirango barwanye kwibagirwa Kandi kugira ngo bahe icyubahiro ababo Kandi bibuka kugira ngo barwanye isubiracyaha . kandi avuga ko yari I Burundi nk’umwe mubunganizi batanze ikirego ariko ko nta butabera babonye .
Akomeza avuga ko batanze ikirego mu butabera bwa RDC ariko ko ntano kwakira ikirego cyabo byigeze bibaho.
Anemeza ko umuryango mpuzamahanga wa Loni Uzi ibyabaye ariko wacecetse.
Yemeza ko leta ya Kinshasa ifite inshingano nyinshi zo gushyira mu bikorwa amategeko nkuko yanditse no guhana abakwiza imvugo z’urwango ,Kandi ko umuryango mpuzamahanga ukwiye gukora ibishoboka byose ukarwanya ubwicanyi bukorwa muri RDC ndetse na Jenoside ikomeza gukorwa no kwita kubarokotse ubwo bwicanyi.
Yemeza ko ubutegetsi bwa Kinshasa aho kurwana kubatutsi babita ko ibyo baharanira bidafite inshingiro Kandi ko bahakana status yabo nk’anbanyekongo bakabita abanyamahanga bafite ubwenegihugu bushidikanywaho.
Yemeje ko Abanyamulenge bazarwanira uburenganzira bwabo kugira ngo babeho,kandi ko bazakoresha imbaraga z ngo bubake igihugu cyabo.
Me Moise avuga ko ikibi kitagira ubwoko ko AFC yahagurutse kugirango barwanye ikibi.
Corneille Nangaa nawe wari witabiriye iki gikorwa avuga ko AFC/m23 yavuze ko nta tandukaniro riri hagati ya AFC na m23 ko ubiyobora Ari umwe ko bose barwanira ikintu kimwe Ati nimumbona mvuga ntimuzavuge ko mvuga mu ijwi ryanjye gusa mbavugira mwese,avuga ko icyabateye gufata intwaro aruko nta leta iri muri RDC yambwiye abanyamulenge ko cyaba Ari ikibazo gikomeye cyane bemereye ababita abanyarwanda ko Aribo .
Yagize ati: mwahoze muri abanyekongo ,muribo Kandi muzahora muribo ntimuzemere na rimwe ko hari ubita abanyarwanda.”
Avuga ko ukwibuka bakwiye kubifata nk’umunsi mukuru Kandi ko kwibuka bakwiye kubifata nk’igikorwa cyo kwibuka abatutsi bazize uko basa ko bakwiye gukorera hamwe bakabohora RDC kuri ruswa ,ironda bwoko ndetse no kubutabera butuzuye.
Yagarutse no kubwicanyi bwabaye mu mujyi wa Goma 2023 aho Wazalendo yishe abantu bagera 150 avuga ko ubutabera bukwiye gutangwa.
Urubyiruko rwitabiriye iki gikorwa rwasomye amazina yabazize ubu bwicanyi maze banacana urumuri rw’ikizere n’ubudaheranwa.
Abanyamulenge bibukwa bose hamwe ni 156 hiyongereyeho abo mu bwoko bwa Babembe bazize kuba bari baturanye nabo bagera 10,hakomeretswa 157.
Abanyamulenge batuye mu Rwanda nabo bibutse bavuga ko Iki gitero cyagabwe n’imitwe yijwaje intwaro irimo FNL-PARIPEHUTU kandi ko u Burundi bwabishe mu 2004 ari na bwo uyu munsi bukomeje kubica bubasanze iwabo muri Repubulika Iharanira Demokarasi ya Congo.
