Général Bunyoni yinjijwe ibitaro bikuru bya Gitega arinzwe cyane n’igisirikare cy’u Burundi

Radio RPA ikorera mu gihugu cy’u Burundi kuri murandasi kuko yahagaritswe mu mwaka wa 2015  yatangaje ko Bunyoni yajyanywe mu bitaro uno munsi  saa tanu n’igice. Iyi Radio ivuga ko  yagiye aherekejwe n’imodoka umunani, zirimwo iz’abakozi b’iperereza, abashinzwe umutekano n’abacunga ibiro by’umukuru w’igihugu.

Kuva mu cyumweru gishize twatabarije uyu mujenerari ufunzwe na CNDD FDD  ku bijyanye n’ubuzima bwiwe uyu mugororwa  Bunyoni, bivugwa ko atari akibona, atavuga kandi atumva.

Petero Karaveri Mbonimpa uyobora ishyirahamwe rirengera uburenganzira bw’ikiremwamuntu rya  APRODH nawe yamenyesheje muri iki cyumweru   ko Bunyoni amerewe nabi cyane  bivuye ku ku buryo  abayeho afungiranye (isolement total) ku buryo nta muntu  n’umwe bashobora kuganira.

Mbonimpa yavuze ko uburenganzira bwa Bunyoni nk’umugororwa burimo guhonyorwa, yasabye ko bamureka akajya kwivuza kandi agahabwa uburenganzira bwo kubonana n’abandi banyororo.

RPA yatangaje  inkuru mu ntangiriro ziki cyumweru ko ubuzima bwo  mu mutwe bwa Général Bunyoni bumeze nabi kugera naho asigaye yumva abantu baje kumusura akihisha munsi  y’igitanda.

Radio RPA yavuze ko umuganga  we yavuze ko Bunyoni afitee “détresse psychologique” igeze kure.

Mu nkuru twatangaje mu gitondo cyo kuwa gatatu , twari twabibukije   ko Bunyoni ageze habi, tunashira ahabona amakenga ya bamwe mu bakora mw’ibohero rikuru rya Gitega, bo bavuga ko bakeka ko hariho umugambi wo kwica Bunyoni.

Ibyo babivuze bafatiye k’ukugene umukozi ategura ibyo kurya bya  Bunyoni arimo arirukanwa ngo ahabwe ibyo kurya byo mu Igororero .

Nyuma y’ubwo butumwa niho hahise  hafatwa icyemezo  cyo kujyana Bunyoni mu bitaro bikuru bya Gitega.

Mbonimpa ati”Tubivuge tubisubire Umunyororo ni umuntu nk’abandi,afite uburenganzira bwo kwivuza akomeza avuga ko bibabaje uburyo mu mabohero y’Uburundi hapfira abanyororo benshi kubera kwangiirwa kwivuza.

Mbonimpa avuga ko kwangira umunyororo kwivuza ntacyo bipfana n’igihano yakatiwe n’urukiko. Kumwangira kwivuza ni ukumuhohotera.

Abategetsi bayobora amagereza( amabohero )bakwiriye kuba barkurikiranwaho ibyaha  iyo abanyororo bapfuye kubera bangiwe kwivuza. kuko bisa no kubagandagura.

Pacifique Nininahanzwe uyobora FOCODE ariko akaba yarahungiye mu gihugu cy’Ububiligi avuga ko  hari ikintu kigora benshi gutahura ko uburenganzira  atari  ingabire baha ababo cyangwa abo dukunda.

Avuga ko Uburenganzira bugenewe ikiremwa muntu. Mu kwubaha uburenganzira bwa barya bari kure yacu niko duhamagara ko n’ubwacu bwubahirizwa. Ariko nitwibaza ko uburenganzira bw’abandi butubahirizwa, tuba tumenyereje ko n’ubwacu butubahirizwa. Abategetsi benshi baribagirwa ko mu kwubaha uburenganzira bw’abo badakunda baba bahamagaye ko ubwabo buzubahirizwa mu gihe batazaba bagikomeye.

Gen Bunyoni yabaye minisitiri w’intebe wa perezida Evariste Ndayishimiye aza kumufunga amuziza gushaka guhirika ubutegetsi bwiwe no gukorana nabatavuga rumwe nawe.