Impunzi z’Abanyekongo ziri mu Rwanda zazindukiye mu myigaragambyo
Jan 2, 2026
Impunzi z’Abanye-Congo ziba mu nkambi ya Nyabiheke iherereye mu Karere ka Gatsibo, zakoze imyigaragambyo yo mu mahoro yo kwamagana amagambo y’urwango aherutse kuvugwa n’uwari Umuvugizi w’Ingabo za Repubulika Iharanira Demokarasi ya Congo, Gen Maj Sylvain Ekenge, yibasira Abanye-Congo bo mu bwoko bw’Abatutsi.
Ni imyigaragambyo yabaye kuri uyu wa Gatanu tariki ya 2 Mutarama 2026, aho izi mpunzi ziri kuzenguruka iyi nkambi ya Nyabiheke zisaba ko uyu musirikare yakurikiranwa n’inkiko mpuzamahanga.
