Mwenga:umutwe wa m23 wigaruriye agace ka Nzibira ukanyaze Wazalendo na Fardc

Abarwanyi b’umutwe wa m23 bigaruriye agace ka Nzibira kuri iki Cyumweru,tariki ya 21Nzeri 2025 mu mirwano ikaze yabashyamiranyije n’abarwanyi b’umutwe wa Wazalendo n’igisirikare cya Leta ya Rdc (FARDC).

Mu mirwano yatangiye mu gitondo cyo kuri iki Cyumweru yari ikomeye cyane,umutwe wa m23 waje kwigarurira aka gace mu masaha ya saa munani n’igice z’umugoroba(14h30).

Nzibira ni agace gaherereye muri teritwari ya Mwenga,intara ya Kivu y’Amajyepfo kakaba ari agace kari mu ihuriro na teritwari ya  Walungu na Shabunda.

Amakuru ava mu baturage yemeza ko guhera mu gitondo saa tanu ariho abarwanyi ba m23 batangiye kwinjira muri Nzibira bitwaje intwaro nyinshi nyuma yuko abarwanyi b’umutwe wa Wazalendo n’ingabo za leta bari bamaze guhungira muri teritwari ya Shabunda ituranye naka gace.

Umuyobozi wa societe sivile ikorera muri Nzibira yemeje amakuru yifatwa ryaka gace avuga ko imirwano yatumye aka gace gafatwa yatangiye guhera ssa cyenda zo murukerera mu masaha ya nyuma ya saa sita centre ya Nzibira ifatwa na m23.

Ifatwa ryaka gace rije nyuma yuko imitwe yitwaje intwaro itandukanye irimo na Wazalendo byandikiye ibaruwa Perezida Tshisekedi imusaba ko yahindura umuyobozi w’ingabo mu gace ka 3306 gahereye muri Mwenga na Shabunda bamushinja ko yinjiza abarwanyi ba m23 muri izi teritwari bamuhaye ruswa bigatuma imodoka zitwaye abantu bavuye mu mujyi wa Bukavu zidasakwa,uwamaganwaga cyane ni Foka Mike na col  Tsihutu.

Agace ka Nzibira gafashwe nyuma yuko imitwe ibri ya Wazalendo irwanye,umutwe umwe uyobowe na gen Malaika nundi mutwe uyobowe na gen Nyakiliba,aka gace kakaba gakize ku mabuye y’agaciro ya  tungstene na Etain.