Masisi:Umutwe wa m23 wongeye kugaba igitero ku barwanyi ba FDLR na Wazalendo muri Ufumando

Imirwano ikomeye yongeye kubura hagati y’abarwanyi b’umutwe wa m23 n’abarwanyi b’umutwe wa FDLR na Wazalendo muri gurupoma ya Ufamando teritwari ya Masisi mu ntara ya Kivu Y’Amajyaruguru.

Ni imirwano yatangijwe n’abarwanyi b’umutwe wa m23 bateye umutwe wa FDLR n’uwa Wazalendo baherereye mu midugudu itandukanye iherereye muri gurupoma ya Ufamando ,segiteri ya Gatoyi,aho abarwanyi ba M23 batangije ibikorwa byo guhiga abarwanyi b’umutwe w’iterabwoba wa FDLR na Wazalendo ngo kuko bagira uruhare runini muguhungabanya umutekano w’abaturage batuye muri bino bice.

Kuva ku munsi wo kuwa Gatatu humvikanaga urufaya rw’amasasu muri gurupoma ya Ufamandu aho umutwe wa m23 wari uhanganye bikomeye n’abarwanyi bo mu mutwe w’iterabwoba wa FDLR ndetse n’abo mu mutwe wa Wazalendo bafite ibirindiro muri ibi bice.

Imidugudu irimo Bumba,Remeka umutwe wa Wazalendo umaze iminsi uhagaba ibitero bikomeye kubaturage ndetse rimwe na rimwe ikanabigaba ku barwanyi b’umutwe wa m23 ,aho imirwano ikaze cyane iherutse kumvikana kuri axe ya Luke-Kasenyi-Miole muri gurupoma ya Kibabi na Nyamaboko aharwaniraga umurwanyi ukomeye wo mu mutwe w’iterabwoba wa FDLR witwa Mutayomba uyobora uyu mutwe muri aka gace.

Abaturage batuye muri teritwari ya Masisi,Rutshuru,Walikare muri gurupoma ya Bwito ,Kateku ,Buleusa ,Bwisha aha hose hamaze iminsi habera ibikorwa byo guhiga abarwanyi b’umutwe w’iterabwoba wa FDLR bikorwa n’abarwanyi bo mu mutwe wa m23 ,aho uguhiga aba barwanyi byateye abaturage kuva mu byabo bagahungira mu nkenero zizi teritwari aho babasha kubona umutekano uhagije.