Rayon Sports yagaragaje ko yiteguye gususura andi makipe
Ntarindwa Aimable, umukinnyi wo hagati ushinzwe kugarira, yashyize umukono ku masezerano y’imyaka ibiri akinira Rayon Sports, nyuma y’igihe yari amaze akorana imyitozo n’iyi kipe atarasinyira ku mugaragaro.
Amakuru agera ku bitangazamakuru avuga ko uyu mukinnyi yasinyiye iyi kipe yo mu Mujyi wa Kigali ku kiguzi cya miliyoni 10 z’Amafaranga y’u Rwanda, akaba azajya ahembwa ibihumbi 700 Frw buri kwezi.
N’ubwo uyu musore yari yarumvikanye na Rayon Sports hakiri kare, mu kwezi kwa Kamena 2025, ntibyamuhiriye kuyerekezamo ako kanya kubera ikibazo cy’amikoro. Biteganyijwe ko amasezerano ye yasinywa ku wa 19 Kamena, nyuma bikimurirwa ku wa 20, 21 ndetse na 22 Kamena, ariko buri gihe ikibazo cy’amafaranga kigatuma bitagerwaho.
Nyuma y’ibyo bibazo, Ntarindwa yagarutse i Huye iwabo abwira umutoza wa Murera FC, Afhamia Lotfi, ko akeneye igihe cyo gukora imyitozo ye bwite. Umutoza yahise amwemerera gukorana n’abandi bakinnyi ba Murera FC nubwo atari umukinnyi wayo ku mugaragaro.
Uyu mukinnyi yageze muri Mukura Victory Sports mu mwaka wa 2022 avuye muri kaminuza ya UR FC, aho yari amazemo igihe akinira ikipe y’abanyeshuri.
Kwinjira kwa Ntarindwa mu muryango wa Rayon Sports bije byiyongera ku bandi bakinnyi bashya iyi kipe imaze gusinyisha barimo Tambwe Gloire, Prince Musore Michel, Mohamed Chelly (washyizwe ku rutonde kabiri), Rushema Chris, Chadrack Belo Bingi na Harerimana Abdallahziz.
