Rwanda: Abasirikare 20 b’Abarundi n’abandi bo mu bihugu bigize EAC bari gufasha abatishoboye.

Rwanda: Abasirikare 20 b’Abarundi n’abandi bo mu bihugu bigize EAC bari gufasha abatishoboye.

Iki gikorwa cyatangiye kuwa 29/6/2025, kikaba kiri mu mugambi wa CIMIC (Coopération Civilo-Militaire / Ubufatanye hagati y’abasivile n’igisirikare), ugamije gukomeza umubano n’ubufatanye hagati y’abaturage n’inzego z’umutekano mu bihugu bigize Umuryango wa Afurika y’Uburasirazuba (EAC).

Umuvugizi w’igisirikare cy’Uburundi, Général de brigade Gaspard Baratuza, yabwiye Yaga ko icyo gikorwa kigamije gutanga ibikoresho byo mu nzu no gufasha mu mibereho y’abatishoboye, kandi kiba buri mwaka mu bihugu bitandukanye bigize EAC. Yagize ati:

“Bahuye n’abandi basirikare baturutse mu bihugu bigize EAC nka Kenya, Uganda, Tanzaniya n’abandi. Uburundi bwo bwohereje intumwa nke, ni abasirikare 20 gusa. Igisirikare cyose kizana ibikoresho bijyanwa mu ngo z’abatishoboye.”

Abo basirikare b’Abarundi bari kumwe n’abandi bo mu muryango wa EAC bari gushyira ibikoresho mu mazu 70 y’abatishoboye mu turere dutandukanye tw’u Rwanda turimo Nyarugenge, Musanze, Burera, Nyagatare, Ngororero, Karongi, na Nyanza. Muri icyo gikorwa kandi, hari n’itsinda ry’abaganga ba gisirikare, harimwo n’abarundi, batanga ubuvuzi ku buntu ku baturage.

Mu mwaka ushize, icyo gikorwa cya CIMIC cyarabereye muri Kenya.

📸 : FDNB