RDC/Kabare:Imirwano yongeye kubura muri Cirunga hagati ya Wazalendo na M23.
Imirwano yongeye kubura hagati y’umutwe wa m23 n’umutwe wa Wazalendo mu ntara ya Kivu y’Amajyaruguru,muri tiritwari ya Kabare mu gace ka Cirunga.
Ni imirwano yatangiye murukerera rw’uyu munsi tariki ya 24Kamena 2025 aho abarwanyi b’umutwe wa Wazalendo bazindutse bagaba ibitero ku barwanyi b’umutwe wa M23 aho bafite ibirindiro mu mudugudu wa Cirunga.
Abaturage bavuga ko Wazalendo yamanutse ku bwinshi ivuye mu mashyamba ari muri teritwari ya Kabare bagatera abarwanyi ba M23 ,bivugwa ko aba barwanyi ba Wazalendo bamanutse ku gasozi ka Cirunga bavuza induru bavuga ko bashaka kwirukana abarwanyi ba m23 ,maze bakisubiza ibice byose uyu mutwe wabanyaze.
Imirwano yongeye kubura hagati ya Wazalendo na m23 muri Cirunga.
Mu Cyumweru gishize umutwe wa Wazalendo wagabye ibitero byinshi muri teritwari ya Kabare bituma n’umwami wa Kabare ava mu Ngoro yiwe kubera umutekano mukeya,bamwe mubaturage batuye muri ibi bice bya Cirunga bari batangaje ko iyirukanwa ry’uyu mwami ryagizwemo uruhare n’abarwanyi ba m23,ariko ubuyobozi bushya bwiyi ntara bwarabihakanye buvuga ko busaba uwo mwami gusubira mu Ngoro yiwe.
Abarwanyi ba Wazalendo bakajije ibitero nyuma yuko Gen Maj Muhoozi Kainerugaba atangaje ko agiye gufatangya n’ingabo za Repubulika Iharanira demokarasi ya Congo kurwanya uyu mutwe abaturage badahwema kugaragaza nk’abicanyi kabombo,ariko Wazalendo ikaba yarahise imwamagana.
Imirwano hagati ya Wazalendo na m23 ikomeje gukara mu gihe umutwe wa m23 wamaze gutangaza ko udateganya kuva mu bice byose wigaruriye ubyaka ingaboza leta nabo bafatanyije kurwanya m23.
