Rutshuru:Umurwanyi ufite ipeti rya koroneli muri Wazalendo yishyikirije m23.

M’urukerera rwo kuri iki Cyumweru ,tariki 07 Kamena ,umurwanyi wo mu mutwe wa Wazalendo ufite ipeti rya clonel autoproclame yishyikirije igisirikare cy’umutwe wa m23( ARC) muri gurupoma ya Tongo ,teritwari ya Rutshuru.

Uyu murwanyi wa Wazalendo akaba azwi ku mazina ya clonel autoproclame Muco,akaba yijyanye ku ngabo z’umutwe wa m23 ari kumwe nundi mu kapiteni w’umu Wazalendo ,bakaba bagiye batwaye n’intwaro zabo zigizwe n’imbunda eshatu n’amasasu yabo kandi bakaba banajyanye n’ibikoresho bya gisirikare by’itumanaro babishyikiriza abo mu mutwe wa m23.

Umutwe wa m23 umaze iminsi uhanganye n’abarwanyi ba Wazalendo basigaye muri teritwari ya Rutshuru kugeraho aba barwanyi ba Wazalendo baherutse no gutwika imidugugudu igera muri itandatu bakica n’abantu.

Umutwe wa m23 uherutse gutangaza ko watangiye ibikorwa byo guhiga bukware abarwanyi ba Wazalendo,FDLR na FARDC basigaye bihishe mu bice uyu mutwe ugenzura, bakaba baranze kwishyikiriza igisirikare cya m23 aricyo cya ARC(Arme Revolutionaire Congolaise).

Ihuriro rya AFC/M23 rirwanya ubutegetsi bwa Kinshasa riherutse kwerekana abarwanyi bo m’umutwe w’iterabwoba wa FDLR,ndetse nabo muri Wazalendo bavanze nabo mu gisirikare cya leta FARDC bafatiwe mu mu kwabo mu bice bitandukanye bigize intara ya Kivu y’Amajyaruguru ,bari bamaze iminsi bahungabanya umutekano w’abaturage.

Umuvugizi w’igisirikare cya m23 Lt Col Willy Ngoma aherutse gutangaza ko abarwanyi bo mu mutwe wa FDLR nibajya babafata bazajya babohereza mu Rwanda ,naho abarwanyi bo m’umutwe wa Wazalendo nabo muri FARDC bazjya babajyana mu bigo byo guhugurirwamo abifuza kujya mu gisirikare cy’umutwe wa m23 bakajyamo abatabyifuza bagasubizwa m’ubuzima busanzwe.